Hamd

Teri zate paq hai aye khuda teri shaan jalle jalalahu,

Koi kya kare  hamd-o-sana  teri shaan jalle jalalahu

Koi  kehta tujhko  Ram  hai  koi  leta  allah  naam  hai,

Tu hi sab ka hai maalik khuda teri shaan jalle jalalahu

Jise chahe apna banaye to jise chahe dar dar phiraye tu,

Tere  dar pe  hai  shah-o-gada  teri shaan  jalle jalalahu

Tu hi arsh pe jalwa nashi tuhi farsh pe parda nashi,

Tu hi charsoo jalwa numa  teri shaan jalle jalalahu

Koi banda tera  amir  hai koi dar ka tere  faqir  hai,

Tu hi badshah hai jahaan ka teri shaan jalle jalalahu

Fehmi piya ka ye dar mila jaise khuda ka wo ghar mila,

Mila  peer  se  hi   muddua   teri  shaan  jalle  jalalahu

Maroof  ki rakh tu laaj ko ruswa na kar mohtaj ko,

Mera  kaun hai  tere siva teri shaan jalle jalalahu

NAATE MOHAMMED SALLALLAHO ALAIHE WASALLAM

Noore Mohammed  Noore khuda  hai  sallallaho  alaihe  wasallam,

Mohammed ko samjho na haq se juda hai sallallaho alaihe wasallam

Mohammed ko chaha wo chaha khuda ko Mohammed ko bhula wo bhula khuda ko,

Mohammed ko dekha wo dekha khuda hai sallallaho alaihe wasallam

Mohammed ko samjha wo samjha khuda ko Mohammed ko paya wo paya khuda ko,

Sirr-e-Mohammed Sirr-e-khuda hai sallallaho alaihe wasallam

Allah hai dariya nabi bulbula hai nuqte me “Be” ke bhed chhupa hai,

Mohammed  hai  upar  niche  khuda  hai  sallallaho  alaihe wasallam

Meem ka parda utha kar to dekho kaun nabi aur kaun khuda hai,

Mohammed nabi hai Mohammed khuda hai sallallaho alaihe wasallam

Peer Mohammed Peer khuda hai Fehmi piya se ye uqdah khula hai,

Har  shay  me  peer  hi jalwa  numa hai  sallallaho  alaihe  wasallam

Mohammed ka jalwa hai jalwa khuda ka Mohammed ka banda hai banda khuda ka,

Maroof  ye to haq  ki sada  hai  sallallaho  alaihe  wasallam

DAROOD-E-PAAK

Allahumma  salleala  Mohammed
Ya   rabbe  sallu  alaihi  wasallam
Pyare   nabi   ko  haq  ne   bulaya
Arshe    bari    ko   apne    sajaya
Apne   noor   ki   chadar   bichaya
Rab   ne   nabi   ko   ispe   bithaya
Haq ne khushi se musda sunaya...

Allahumma   salleala   Mohammed
Ya   rabbe   sallu   alaihi  wasallam
Noore Mohammed  noore  khuda hai
Shaane Mohammed shaane khuda hai
Deede  Mohammed deede khuda hai
Sirre  Mohammed  sirre   khuda  hai
Saare  nabiyon  me  rutba  badhaya...

Allahumma      salleala      Mohammed
Ya    rabbe    sallu    alaihi     wasallam
Zaahir   kabhi   hai  baatin   Mohammed
Awwal   kabhi  hai  aakhir   Mohammed
Kaise  batau  ke   kya  hai   Mohammed
Har dum wo jalwa numa hai Mohammed
Dono  jahan  me  saani  na  saaya.........

Allahumma salleala Mohammed
Ya  rabbe  sallu  alaihi wasallam
Mere   nabi   hai  arsh   ki  izzat
Mere  nabi  hai  farsh  ki  zeenat
Mere  nabi   hai  rab  ki   qudrat
Mere   nabi   hai   sahib-e-azmat
Noore nabi se sab hai banaya....

Allahumma salleala Mohammed
Ya  rabbe  sallu  alaihi wasallam
Mere   nabi   quraan   hai   laaye
Mere   nabi    irfaan   hai    laaye
Mere    nabi   imaan   hai    laaye
Mere   nabi    nishaan   hai  laaye
Daaman me unke sab kuch hay aaya

Allahumma salleala Mohammed
Ya  rabbe  sallu alaihi  wasallam
Taaj -e- shifa’at  pahen  ke  aaye
Shaan-e-nabu’uat saath me laaye
Karne   imaamat  farsh  pe   aaye
Dars -e- tarikat  sab ko padhaaye
Farsh pe arsh ka naksha dikhaaya

Allahumma salleala Mohammed
Ya  rabbe  sallu  alaihi wasallam
Kahi  bane  wo  Aadam safi  hai
Kahi  bane  wo  Nuhe  nabi   hai
Kahi  bane  wo  Musa  nabi   hai
Kahi  bane  wo  Maula Ali    hai
“Meem” ke parde me kya kya chupaya..

Allahumma salleala Mohammed
Ya  rabbe sallu alaihi  wasallam
Pyare  nabi  ke sadke me maula
Aale  nabi  ke  sadke me maula
Ibn -e- Ali  ke sadke  me maula
Apne  wali  ke  sadke  me maul
“bakhsh de hum ko bhi tu Khudaya..

Allahumma salleala Mohammed
Ya  rabbe  sallu alaihi wasallam
Fehmi piya  ke  saaye  me aaya
Noore nabi  ko in  me hai paaya
Allah Nabi  se  dum  ko sajaaya
Salleala    se    jhula     jhulaaya
Maroof noor ka sajda karaaya....

MOHAMMED AAGAYE HAI

Huro  malayak  dhoom  machaye
Salleala ko sunaye Mohammed aagaye hai
Amina   bee  ke   bal - bal   jaye
Noor se ghar ko sajaye Mohammed aagaye hai

Rab ke pyare hai naam-e-Mohammed paagaye
Noore  khuda  ka  jalwa  banke  jagme aagaye
Khushbu  se  aalam  mehkaye
Rehmat ko  barsaaye  Mohammed  aagaye hai

Arshe  bari ko aaj  noor  se  haq  ne saja diya
Farshe zameen ka bhi rutba rab ne badha diya
Rehmat -e- haq  bhi  wari  jaye
Allah  sadqa  lutaye  Mohammed  aagaye  hai
 

Rukh pe nabi ke mere noore khuda ka jamal hai
Har  ek  kamal   wala   paaye   inse  kamal   hai
Aise  nabi  ko  jo  bhi  paaye
Kyu  na  woh  itraye  Mohammed  aagaye  hai
 

Noor ka jhula  jab daste haq ne bana diya
Noor ka bistar bhi haq ne isme bicha diya
Noor  ki  dori  isme  lagaye
Jhula nabi ko jhulaye Mohammed aagaye hai
 

Saare payamber me aap ka aala mukaam hai
Rab  ka  har  wali  aap ke  dar ka ghulam hai
Aap  ke  dar  se  rutba  paaye
pal  me  wali  hojaye Mohammed  aagaye hai
 

Aalam -e- arwah  ka  maujzah  hai ye bakhuda
Saf  baa’adab khade the sare ambiya-o-aoliya
Ghause  aazam  kandha  lagaye
khwaja sar ko jhukaye Mohammed aagaye hai
 

Fehmi piya  ka  jab  noori  silsila milgaya
Dono jahan ka aaj hum ko wasila milgaya
Kalma  banke  dam  me  aaye
Har dam me kehlaaye Mohammed aagaye hai
 

Unpe  daroo’do  ka bhejo tohfa pyaar se
Roshan hum bhi hai maroof isi sarkar se
Ishq -e- nabi  ki  shama  jalaye
Noore nabi me nahaye Mohammed aagaye hai

SIFAAT-E- MOHAMMED (S.A.W.)

Sifaat -e- khuda  hai  sifaat -e- Mohammed (S.A.W.)
Khuda khud hai goya bazaat-e-Mohammed (S.A.W.)

Khudayi    bhi    raksaa    hai   chaaro   hurf   me
Zahur-e-do aalam sifaat-e-Mohammed (S.A.W.)

Mohammed     hi   wahdat    Mohammed    hi    kasrat
Khuda khud hai zaahir bazaat-e-Mohammed (S.A.W.)

Woh   Noor -e- Haqeeqi    hai   Noor -e- Mujassam
Zara khud me dekho sifaat-e-Mohammed (S.A.W.)

Woh   Mehmood   ban   kar   hai  zer -e- zameen  me
Khula hum pe uqdah mamma’at-e-Mohammed (S.A.W.)

Madine   ki   mitti   ka   sadqa   hai   sab  kuch
Mili peer fehmi hayat-e-Mohammed (S.A.W.)

Tasawwur me aane lage hai Mohammed (S.A.W.)
Aye  Maroof  padhlo salate Mohammed (S.A.W.)